Kutxabank publikoa

Ekoneuseko Mikel Quintana eta Jon Basabe izan dira Kutxabank pribatizatzeko arriskua eta Banku Fundazioak demokratizatzeko beharra azaldu duten Ekonseuseko kideak Ogasun eta Aurrekontuetako Batzordearen aurrean.

Pasa den astean Banatuz-eko Joxan Urkiolak hartu zuen parte, gaur Ekai Center eta Ekoneusek, datorren astean Gatzagaetxebarriak eta hurrengoan sindikatuek hitz egingo dute gai garrantzitsu honi buruz.

Azaldutako puntuen artean honako hauek nabarmendu ditugu:

• Finantza erakunde publiko asko dituen eredu europarra gaur egun lortu den ongizate mailaren euskarri garrantzitsuenetakoa izan da, eredu anglosaxoiaren aurrean.

• Eredu horrek ekonomia produktiboa bultzatu du eta ez espekulatiboa, azken urteotako krisi sakon honen sortzaileetakoa izan dena.

• Kutxabanken akzioak blindatu behar ditugu edozein momentutan ez pribatizatzeko. Une honetan, BBKn gehiagoa duten eta alderdi berekoak diren 8 pertsonek Kutxabanken gehiengoa sal lezakete, nahiz eta haien jabekoa ez izan. Aurreproiektuan kendu da balizko pribatizazio bat onartzeko Eusko Jaurlaritzaren onarpena lortu beharra. Alemanian, Frantzian, Holandan… ez zaie ezta burutik pasatzen haien finantza sistema publikoak saltzea.

• Lehen aurrezki kutxa bakoitzak ia 100 lagunez osatutako lurralde bakoitzeko Batzar Nagusien menpe zeuden. Orain Kutxabankeko kontseilua soilik 3 lagunez osatzen dute. Haien esku dago EAEko aurrezki ia erdia. Hau arriskua!

• Aurreproiektuan ez dute kontuan hartu Eusko Jaurlaritzaren Irekia webgunearen bidez aurkeztutako 40 proposamenetatik bat ere ez

• Hala ere, etorkizuneko akziodunen interesak defendatzen duten aldaketak sartu dira, bankuaren etekinak Gizarte Ekintzara bideratzeko baldintzak  gutxitzean. Irabazi gehienak akziodunen esku geratuko lirateke.

• Ondorioz Gizarte Ekintzara doan dirua %30etik %10era jaitsi nahi dute, nahiz eta Aurrezki Kutxak Gizarte Ekintza bultzatzeko sortu ziren. Ez da Kutxabank errazago pribatizatzeko, “karga” gutxiago izango duelako

• Fundazioen oraingo gobernu sistema erabat antidemokratikoa da, patronatuko kideek haien ondorengoak aukeratzen dituztelako. Aberrazio antidemokratiko nabarmena da baina aurreproiektuak ez du ezer planteatzen denon interesaren alde eman den estatu kolpe hau konpontzeko.

• Patronatuko kideak Batzar Nagusiek aukeratu beharko lituzkete, lurralde bakoitzean lortu dituen botoen arabera, beti ere, finantza, gizarte… ezagutzak dituzten pertsonen artean.

• Ekoneusek uste du Legeak oraingo egoera aldatzeko balio beharko lukeela eta Kutxabanken eta fundazioen kontrola erakunde publikoei –Aldundiak zein udalei- itzuli behar zaiela, baita ezarleei ere.

• Etorkizunean Kutxabanken kudeaketa publiko, sozial, demokratiko eta ondo kudeatuta egon behar dela uste dugu.

Honekin batera Eusko Legebiltarrean Ekoneusek azaldutakoa atxiki da.

Ekoneus__primera_parte.pdf

Ekoneus_bigarren zatia.pdf